Пайвандҳои дастрасӣ

logo-print

Озодаи Эмомалӣ - раиси шӯрои занони вазорати хориҷа


Шӯрои тозатаъсиси занонро дар назди вазорати корҳои хориҷии Тоҷикистон Озодаи Эмомалӣ, сардори Раёсати консулгарии Вазорати хориҷаи кишвар ба ӯҳда гирифт. Ин хабарро дар як сӯҳбати телефонӣ бо Озодӣ раиси департаменти иттилооти ВКХ Давлат Назрӣ тасдиқ кард, аммо аз додани тафсилоти бештар худдорӣ варзид. Назар ба иттилои "Ховар" ба шӯрои занон беш аз 40 зан, ки кормандони вазорат ҳастанд, аъзо мешаванд. Номздии хонум Эмомалиро ба ин вазифа ҳозирин дар нахустин нишасти шӯрои занони ВКХ, ки дирӯз баргузор шуд, бо "раъйи оро" пазируфтанд. Роҷеъ ба вазифаву ҳадафҳои ин шӯро тафсилоте дастрас нест. Озодаи Эмомалӣ духтари раиси ҷумҳурии Тоҷикистон сентябри соли 2007 ба мақоми сардори Раёсати консулгарии Вазорати хориҷаи кишвар таъйин гардид.
XS
SM
MD
LG