Александр Лукашенко-раиси ҷумҳури Белорус баъд аз музокирот дар бораи қарзи Маскав гуфтааст, кишвараш набояд дигар ба Русия "гардан каҷ" кунад. Лукашенко ба ҳукумати худ гуфтааст, дар ин замина кор бо Русия пеш намеравад ва Белорус "хушбахтии худро бояд дар қисмати дигари сайёра" ҷустуҷӯ кунад. Ин суханони раиси ҷумҳури Белорус дар ҳоле садо дод, ки Алексей Кудрин-вазири молии Русия дар ҷараёни боздиди худ гуфт, Маскав додани 500 миллион қарз ба Минскро ба таъхир меандозад.
