Пайвандҳои дастрасӣ

Вазирони СҲШ ҳамкориҳои минтақаиро баррасӣ карданд


Имрӯз вазирони умури хориҷаи кишварҳои узви Созмони ҳамкории Шанхай дар Маскав ҳамкориҳои минтақаиро бо ҳам баррасӣ карданд. Русияву Чин, Қазоқистону Қирғизистон ва Тоҷикистону Ӯзбекистон узви ин созмон мебошанд. Вазирон масъалаҳои мавриди баррасӣ дар мулоқоти раҳбарони созмонро баррасӣ карданд. Онҳо ба мулоқоти раҳарон пешниҳод карданд, ки ба Белорус ва Шри Ланка мақоми тарафи ҳамкор дар музокирот дода шавад. Сергей Лавров-вазири умури хориҷаи Русия дар ин бора гуфт:

"Кишварҳо барои ҳамкорӣ бо ин созмон алоқа нишон медиҳанд. Дар ҳамин авохир, бо назардошти ин мо мақоми наве муаррефӣ кардем-мақоми тарафи ҳамкор дар музокирот бо Созмони Ҳамкории Шанхай. Имрӯз баъд аз баррасии дархостҳои марбута мо ба тавофуқ расидем, ки додани чунин мақом ба Белорус ва Шри Ланкаро ба мулоқоти раҳбарон пешниҳод кунем".

Қарор аст мулоқоти раҳбарон 15-16-ӯми июн дар Екатеринбурги Русия баргузор шавад. Дмитрий Медведев-раиси ҷумҳури Русия дар поёни мулоқоти вазирон бо онҳо дидор ва гуфтугӯ кард.

Видеоҳои охирин

Ба мо нависед

Хабару акс ва видеоҳои худро аз тариқи IMO, Вайбер ва Вотсапп ба ин шумораи мо фиристед: +420 724 053 959

XS
SM
MD
LG