Пайвандҳои дастрасӣ

Раҳбарони ҷаҳон аз куштори Бен Лоден истиқбол карданд


Раҳбарони ҷаҳон аз хабари куштори Усома Бен Лоден истиқбол карданд, дар ҳоле, ки Толибони Покистон таҳдид кардаанд, ки ба Покистону Амрико ҳамла хоҳанд бурд. Бен Лоден дар ҷараёни як амалиёти нируҳои Амрико рӯзи якшанбе дар Покистон кушта шуд. Раҳбарони ҷаҳон ин кушторро “пирӯзии адолат” арзёбӣ карданд, вале ҳушдор доданд, ки мубориза бо терроризм идома хоҳад ёфт. Эҳсонулло Эҳсон-сухангӯи Таҳрики Толибон ё Ҷунбиши Толибони Покистон таҳдид кард, ки ин гурӯҳ ҳамла ба раҳбарони ҳукумати Покистон, артиши Покистон ва ба Амрикоро оғоз хоҳад кард. Гурӯҳи исломгарои Ҳамоси Фаластин марги Бен Лоденро маҳкум кард ва аз вай “муборизи муқаддаси араб” ном бурд.
XS
SM
MD
LG