Попи Рум Бенедикти 16 рӯзи шанбе дар Ӯрдун ба пешвоёни динии мусулмонон гуфт, мазҳаб як нерӯе барои ваҳдат аст. Вай дар суханроние дар Масҷиди Ал-Ҳусейн дар шаҳри Уммон - пойтахти Ӯрдун, дар ҳузури ҷамъомадагон, аз ҷумла рӯҳониёни масеҳӣ гуфт, ҳамаи мардуми ҷаҳон, бо ҳар дине, ки дошта бошанд, офаридаи Худо ҳастанд. Попи Рум дар нахустин сафараш ба Ховари Миёна дар мақоми Поп, ки рӯзи ҷумъа аз Ӯрдун шурӯъ шуд, аз Исроил ва қаламравҳои Фаластиниён ҳам боздид мекунад.
