Намояндаи дафтари матбуъотии раёсати ҷумҳурии Тоҷикистон хабар додааст, ки 6-ӯми май Эмомалӣ Раҳмон-раиси ҷумҳури Тоҷикистон фармонеро дар бораи гушоиши бахши донишгоҳи давлатии ба номи Ломоносови Маскав дар Душанбе имзо кардааст. Дар фармон омадааст, ҳадафи гушоиши ин бахш тарбияи коршиносони варзидаи сатҳи байналмиллалӣ мебошад. Қабули довталабон ба ин бахш тибқи муқаррароти донишгоҳи Ломоносови Маскав анҷом мегирад.
