Пайвандҳои дастрасӣ

Парлумони Молдова бидуни раёсат боқӣ монд


Парлумони нави Молдова дар нишасти нахусташ ба интихоби раиси парлумон муваффақ нашуд. Вакилон аз аҳзоби мухолиф аз ширкат дар интихоби раҳбарони парлумон сарпечӣ намуданд ва изҳор доштанд, ки барои баргузории интихоботи такрорӣ талош хоҳад кард. Мухолифини ҳукумат мутмаинанд, ки мақомот дар баршуморидани раъйҳо дар интихоботи ахири парлумонӣ аз тақаллуб кор гирифтаанд. Ба иттилоъи расмӣ, дар интихобот Ҳизби комунист пирӯз шуд ва ҳоло дар парлумони дорои 101 курсӣ 60 ҷойро соҳиб шудааст. Комунистҳо барои интихоби раисиҷумҳур дар парлумон боз ба як раъй ниёз доранд. Аз ин пеш аҳзоби мухолиф эълом доштанд, ки ин "раъйи тиллои"-ро ҳифз хоҳанд кард, то аз интихоби раисиҷумҳури комунист ҷилавгирӣ шавад.

Видеоҳои охирин

Ба мо нависед

Хабару акс ва видеоҳои худро аз тариқи IMO, Вайбер ва Вотсапп ба ин шумораи мо фиристед: +420 724 053 959

XS
SM
MD
LG