Садҳо зани шиа ба кӯчаҳои Кобул рехтанд, то бар зидди қабули қонуни нав, ки ҳуқуқи онҳоро дар хонавода ва издивоҷ поймол мекунад, садо баланд бикунанд. Занон се километр роҳро паймуда, ба назди бинои порлумони Афғонистон омаданд, то эътирози худро аз ин қонун ба вакилон бирасонанд. Гурӯҳе аз мардон дар рӯбарӯи занон қарор доштанд ва пулис онҳоро нигаҳ медошт, то ба занон дарнаафтанд. Мардони хашмгин аз ин эътирози занон ва роҳпаймоии онҳо ба ғазаб омада буданд. Як гурӯҳи дигари занҳо барои ҷонибдорӣ аз ин қонун гирд омада буданд.
