Мақомоти Тайланд шиносномаи хориҷии сарвазири собиқ Таксин Шиноватраро аз эътибор соқит карданд. Таксин Шиноватра айни ҳол дар хориҷи кишвар ба сар мебарад ва ҳукумат боздошт ва истирдоди ӯ ба Бангкокро талаб дорад. Намояндаи ҳукумати Тайланд тасмими ахирро бо ошуби ҷонибдорони Шиноватра марбут кард, ки бар асари он нишасти сарони АСЕАН – Иттиҳодияи кишварҳои Осиёи ҷанубу шарқӣ дар фароғатгоҳи Паттайя мавқуф гузошта шуд ва дар задухурдҳо дар Бангкок ду нафар кушта шуданд. Ҷонибдорони мухолифин талош доштанд Таксин Шиноватраро, ки соли 2006-ум бар асари кудатои низомиён аз маснад барканор шуда буд, дубора дар мақомаш барқарор кунанд.