Пайвандҳои дастрасӣ

logo-print

Раисҷумҳури Тоҷикистон Эмомалӣ Раҳмон ба ироаи паёми солонаи худ ба ҳарду табақаи порлумони кишвар пардохт.

Дар ҳоли ҳозир, ироаи паёми солонаи раисҷумҳур дар порлумони кишвар дар ҳузури вакилони мардумӣ ва раҳбарони вазоратҳову кумитаҳо, раисони вилоятҳо ва шаҳру навоҳии кишвар ва ҳамчунин зиёиён идома дорад.

Таваҷҷӯҳи асосӣ дар ин паём ба коҳиши пайомадҳои бӯҳрони ҷаҳонии молӣ ва чораҳои ҳукумат дар ин самт мебошад.

Раисҷумҳур Эмомалӣ Раҳмон дар паёми худ аз раҳбарони ниҳодҳои давлатӣ талаб кард, то ба сарфаи маблағҳои буҷа таваҷҷӯҳ кунанд, аз масрафоти беҳуда даст бикашанд, сафарҳои хидматиро то ба 80 дарсад коҳиш бидиҳанд, аз баргузории чорабиниҳои нозарур сарфи назар бикунанд.

Раисҷумҳур барои дастгирии соҳибкории хурд ва миёна пешниҳод кард, ки андоз аз даромад аз 25 % то 15%, андоз аз нархи изофа аз 20% то 18% коҳиш дода шавад.

Эмомалӣ Раҳмон ҳамчунин ба вакилон муроҷиат карда гуфт, барои ҳимояи ҳуқуқи соҳибкорон дар як қатор қонунҳо тағйирот дароранд.

Намоиши шарҳҳо

XS
SM
MD
LG