Пайвандҳои дастрасӣ

Рӯйхати маҳбусони сиёсии Узбакистон нашр шуд


Ошӯбҳо дар Андиҷон дасти мақомоти интизомии президент Ислом Каримовро дар амри таъқиби дигарандешон хеле дароз кардааст

Созмони дифои ҳуқуқи башари мавсум ба “Мемориал” дар як гузориши 300-саҳфаӣ феҳристи 1452 маҳбуси сиёсӣ дар Узбакистонро нашр кардааст.

Ин маҳбусон дар Узбакистон аз соли 2004 то 2008 бо ангезаҳои сиёсиву мазҳабӣ боздошт ва маҳкум ба зиндон шудаанд.

Созмони “Мемориал” мегӯяд, сеяки ин афрод дар пайи рӯйдодҳои хунини Андиҷон таҳти таъқиби мақомоти Узбакистон қарор гирифтаанд. Дар гузориш омадааст, ки ошӯбҳои моҳи майи соли 2005 дар Андиҷон дасти мақомоти интизомии президент Ислом Каримов ва кишварҳои дигари шӯравии собиқ, аз ҷумла Русияву Тоҷикистон ва Қирғизистону Қазоқистонро дар амри таъқиби дигарандешон хеле дароз кард.

Ба ҳисоби “Мемориал”, дар пайи рӯйдодҳои Андиҷон дар Узбакистон 357 нафар, бо шумули 40 хабарнигор ва фаъоли ҳуқуқи башар, бо ангезаҳои сиёсӣ ба зиндон кашонида шуданд.
“Мемориал” мегӯяд, соли 2007 дар Узбакистон 164 нафар ва соли гузашта 95 нафар бо далоили сиёсӣ муҳокима шуданд.

Андешаи Шумо

Намоиши шарҳҳо

Озодӣ дар Ютуб

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG