Иқтисоди Олмон, ки бузургтарин иқтисоди Аврупост, дар поёни соли гузашта 2,1 дарсад пас рафтааст. Ин бузургтарин мизони пасрафти иқтисоди ин кишвар аз соли 1990 ба ин сӯст. Омори расмӣ ҳокист, ки Олмон дар вартаи бӯҳрони шадиди аз замони ҷанги дуввуми ҷаҳон ба ин тараф бесобиқа қарор дорад. Хадамоти омори Олмон гуфт, иқтисоди ин кишвар дар семоҳаи охири соли 2008 ба таври назаррас пойин рафта, содироти Олмон дар ин давра 7,3 фоиз ва воридоташ 3,6 дарсад коҳиш ёфтааст.
