Ҳавопаймои мусофирбари ширкати “Туркиш Эйрлайнз”, бо 143 сарнишин ҳангоми нишастан дар фурудгоҳи Амстердами Ҳолланд дучори садама шуд. Хабарҳо дар бораи теъдоди қурбониёни садама мухталифанд. Вазири нақлиёти Туркия Биналӣ Йилдирим гуфт, ҳамаи 135 мусофир ва 8 узви ҳайъати ҳавопаймо аз ин садама ҷони солим ба дар оварда, фақат чанд тан аз мусофирон ҷароҳат бардоштаанд. Аммо телевизиони Ҳолланд мегӯяд, бар асари ин сониҳа дастикам 5 нафар ҳалок шуданд. Ҳавопаймои Боинг-737, ки дар масири Истамбул – Амстердам парвоз мекард, бар асари садама чанд пора шудааст.
