Пайвандҳои дастрасӣ

Толибон як корманди ҳукуматиро дар Свот рабуданд


Бино ба гузоришҳои расида аз Покистон, шӯришиёни толиб дар водии Свот, воқеъ дар шимоли ғарби ин кишвар Хушҳол Хон-як корманди боломақоми ҳукумати Покистон ва шаш нафар аз муҳофизони вайро рабудаанд. Хабаргузории Ройтерз гузориш додааст, Хушҳол Хон ҳангоме рабуда шудааст, ки савори мошини худ дар роҳ ба сӯи шаҳраки Мингора-маркази аслии водии Свот будааст. Муслим Хон-сухангӯи Толибон дар водии Свот мегӯяд, Тлибон масъулияти ин одамрубоиро бар ӯҳда гирифтаанд. Ба гуфтаи вай, Толибон мехоҳанд баъзе масъалаҳоро бо Хушҳол Хон баррасӣ кунанд. Вай ба Ройтерз чунин гуфтааст: "Мо ба вай чой медиҳем ва сипас раҳояш мекунем". 16-ӯми феврал Толибон ва ҳукумати Покистон дар водии Свот ба оташбаси доимӣ ризоят доданд ва ҳоло ҷонибҳо шартҳои ин оташбасро барррасӣ мекунанд.

Видеоҳои охирин

Ба мо нависед

Хабару акс ва видеоҳои худро аз тариқи IMO, Вайбер ва Вотсапп ба ин шумораи мо фиристед: +420 724 053 959

XS
SM
MD
LG