Дар Покистон як мақоми балндпояи ҳукумат гуфтааст, ки шӯришиёни Толиб ба "Оташбаси доимӣ" дар водии Свот, воқеъ дар шимоли ғарби Покистон розӣ шудаанд. Рӯзи ҷумъа Мавлоно Фазлуллоҳ-фармондеҳи шӯришиён бо падарарӯси худ бо Мавлоно Сӯфӣ Муҳаммад-рӯҳонии тундрав, ки барои музокироти сулҳ вайро аз зиндон раҳо кардаанд, дидор дошт. Саид Муҳаммад Ҷовид-кумиссари Малоканд дар минтақаи шимоли шарқи Покистон ба хабарнигорон гуфтааст, онҳо таъаҳҳуд супурдаанд, ки оташбаси доимиро баррасӣ мекунанд. Ба гуфтаи вай, ҳукумат низ ба ин кор омода аст.