Дирӯз Кумитаи дифоъ, амният ва тартиботи порламони Қирғизистон пешнависи қонуни пешниҳодии ҳукумати ин кишварро дар бораи бастани пойгоҳи низомии Амрико дар фурудгоҳи Манас ба тасвиб расонд. Қурмонбек Боқиев-раиси ҷумҳури Қирғизистон 3-юми феврал дар Маскав баъд аз мулоқоташ бо Дмитрий Медведев-раиси ҷумҳури Русия дар бораи бастани ин пойгоҳ ба матбуъот хабар дод. Ин пойгоҳ нируҳои эътилофи зидди террор дар Афғонистонро таъмин мекунад. Аммо Темир Сариев-раиси ҳизби оппозитсионии Оқ Шумқор гуфт, бастани пойгоҳи ҳавоии Амрико дар Манас ба вазъ дар Осиёи Марказӣ таъсир хоҳад дошт.