Шаҳрдории Душанбе истифодаи микроавтобусҳои чиноии "Тангем"-ро дар пойтахт мамнуъ эълон кард. Ин микроавтобусҳои чиноӣ барои камхарҷ ва серҳаракативи кирояи арзони роҳ дар Душанбе хеле маъмул шудаанд. Мақомоти Душанбешаҳр мегӯянд, дар ояндаи наздик аз Русия 210 автобус ва троллейбус ба Душанбе ворид мешавад. Вале сокинони Душанбе мегӯянд, ки онҳо мехоҳанд микроавтобусҳои "Тангем" дар шаҳр бимонанд, зеро барои мусофирбарӣ муносибанд.
