Амрико ба муттаҳидони худ ҳушдор дод, ки мубориза бар зидди шӯришиён дар Афғонистон нисбат ба мубориза дар Ироқ мушкилтар хоҳад буд. Бино бар ин вай аз онҳо дархост кард, ки ниру ва таҷҳизоти бештар дар ихтиёри нируҳои эътилоф қарор диҳанд. Ричард Ҳолбрук-сафири Амрико дар Олмон зимни суханони худ дар конфронси амниятии Муних изҳор дошт, ки ба масъалаи Афғонистон бархӯрди нав зарур аст ва бояд ҳамсоягони ин кишварро, ба шумули Эрон, ба вижа Покистон, ба ҳали ин масъала ҷалб кард. Оқои Ҳолбрук гуфт, озод кардани Афғонистон аз вуҷуди шӯришиён муборизаи тулонӣ ва мушкил хоҳад буд.
