Намояндагони сохторҳои қудратии кишварҳои Паймони амнияти дастаҷамъӣ дар Маскав роҳҳои мубориза бо муҳоҷирати ғайриқонунӣ дар шароити бӯҳрони иқтисодиро баррасӣ мекунанд. Кишварҳои узв мехоҳанд, барномаи муштаракеро дар ин бора омода созанд. Мулоқоти сарони кишварҳои узв дар Паймони амнияти дастаҷамъӣ ҳафтаи оянда дар Маскав баргузор мешавад. Арманистон, Беларус, Русия, Тоҷикистон, Узбакистон, Қазоқистон ва Қирғизистон аъзои ин созмон мебошанд.
