Пайвандҳои дастрасӣ

Рӯзи шанбеи 31-уми январ ҷаласаи кумитаи иҷроияи Кумитаи миллии олимпии Ҷумҳурии Тоҷикистон баргузор мешавад.

Ба иттилои президенти ин кумита Баҳрулло Раҷабалиев, дар ин ҷаласа масъалаи баргузории Ассамблеяи кулли ҳисоботиву интихоботии Кумитаи миллии олимпӣ баррасӣ шуда, инчунин номзад ба вазифаи президенти Кумитаи миллии олимпии Ҷумҳурии Тоҷикистон эълон хоҳад гашт.

Ба гуфтаи оқои Раҷабалиев, аксари созмону федератсияҳои варзишии кишвар, ки узви Кумитаи миллии олимпӣ мебошанд, ба ин вазифа президенти мамлакат Эмомалӣ Раҳмонро пешбарӣ кардаанд. Раисҷумҳури Тоҷикистон барои номзадӣ ба ин вазифа розигӣ додааст.

Бар асоси оинномаи Кумитаи миллии олимпӣ, президенти КМО дар Ассамблеяи кулли кумита интихоб хоҳад шуд.

Бояд тазаккур дод, ки чунин таҷриба дар баъзе кишварҳои ҷаҳон дида мешавад, чунончи сарварони давлатҳои Беларус, Озарбойҷон ва Туркманистон ҳамзамон президентии кумитаҳои миллии олимпии кишварҳои худро бар ӯҳда доранд.



Андешаи Шумо

Намоиши шарҳҳо

Озодӣ дар Ютуб

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG