Митрополити Смоленск ва Калинингради Русия, Кирилл пешвои нави калисои православи рус интихоб шуд. Вай рӯзи якшанбе ба иҷрои вазифааш шурӯъ карда, ҷои Алексии Дувумро мегирад, ки моҳи январ дар синни 79-солагӣ даргузашт. Кирилл дар раъйдиҳии махфии Шӯрои калисо шаби гузашта пуштибонии аксариятро ба даст овард. Ҷаласаи интихобот дар Калисои ҷомеи Масеҳи Наҷотбахш баргузор гардид.
