Бар асари ду сониҳа дар ағбаи Шаҳристон ва қисмати шимолии нақби Истиқлол чаҳор нафар кушта ва як тани дигар захмӣ шудаанд. Се нафар дар натиҷаи ба варта сарозер шудани як мусофирбар дар ағбаи Шаҳристон ҳалок шуда, як мусофири дигар дар ҳудуди ноҳияи Айнӣ зери мошин мондааст. Танҳо тайи як моҳи охир дар ин қисмати шоҳроҳи Душанбе – Хуҷанд 6 садамаи нақлиётӣ рух дода, 10 кушта ва 8 захмӣ барҷой гузоштаанд.
