Шурӯъ аз якуми январи соли 2009 пахши барномаҳои радиоҳои хориҷӣ дар Озарбойҷон мамнӯъ хоҳад шуд. Дар ин бора имрӯз Шӯрои миллии кишвар оид ба радио ва телевизион тасмим гирифт. Ба ин тариқ, аз соли нав пахши барномаҳои Би-Би-Си, “Садои Амрико” ва бахши озарии Радиои Озодӣ дар қаламрави Озарбойҷон қатъ хоҳад шуд. Коршиносон ин тасмимро бо идомаи ҳамла ба озодии баён дар Озарбойҷон марбут мекунанд.
