Нерӯҳои Бритониё маъмурияти худ дар Ироқро то нимаи соли ояндаи 2009 –ум ба поён расонда ва сипас ин кишварро тарк хоҳанд кард. Ҳукуматҳои Бритониё ва Ироқ имрӯз бо нашри як баёнияи муштарак эълом карданд, “нерӯҳои Бритониё вазоифи худро то нимаи соли 2009 такмил намуда ва баъд Ироқро тарк хоҳанд кард”. Гордон Бровн - нахуствазири Бритониё имрӯз аз Ироқ боздид ва бо ҳамтои ироқии худ Нурӣ Ал- Моликӣ мулоқот кард. Аз соли 2007 то кунун бори чаҳорум аст, ки нахуствазири Бритониё ба Ироқ сафар мекунад.
