Дар вилояти Ҳилманди Афғонистон низомиёни нерӯҳои байнулмилалӣ корманди полиси маҳаллиро ҳадафи тир қарор доданд. Ба иттилоъи ҳайати фармондеҳии нерӯҳои таҳти фармони НАТО, сарбозон сӯи мошине оташ кушоданд, ки бо суръати баланд ба корвони онҳо наздик мешуд ва ҳушдорро нодида мегирифт. Баъдан ошкор шуд, ки ронандаи мошин корманди полиси Афғонистон будааст.
