Сармураббии мунтахаби Тоҷикистон Сулаймон Бобокалонов ба Радиои озодӣ гуфт, ин мусобиқаи анъанавӣ бо ширкати дастаҳои занонаи Қирғизистон, Қазоқистон ва Тоҷикистон дар варзишгоҳи Маркази миллии футболи шаҳри Бишкек тӯли чаҳор рӯз идома кард.
Дастаи мактаби махсуси бачагонаю наврасони захоири олимпии пойтахти Қирғизистон, ки дар бозии ниҳоӣ бар тими Қазоқистон бо ҳисоби 6:2 пирӯз гардид, мақоми аввалро касб кард.
Дастаи мунтахаби Тоҷикистон ҷои севумро гирифт.
Ин мусобиқаи анъанавӣ байни духтарони футболбози соли таваллудашон 1992 баргузор шуд.
