Мушовири амнияти миллии Ироқ, Муваффақ ал-Рубоӣ мегӯяд, кишвараш аз пешниҳоди президенти тозаинтихоби Иёлоти Муттаҳида Барак Обама дар бобати хуруҷи нерӯҳои Амрико аз Ироқ то нимаҳои соли 2010 пуштибонӣ мекунад. Обама пешниҳод кардааст, хурӯҷи нерӯҳо пас аз 16 моҳи оғози кораш ба ҳайси президент дар моҳи январ сар шавад. Ал-Рубоӣ ин тарҳро хуб номид, зеро ба гуфтаи вай, нерӯҳои бумӣ то он вақт ба сатҳе хоҳанд расид, ки амнияти кишварро бар ӯҳда бигиранд.
