Мақомоти вилояти ҷудоиталаби Трансднестр ба раисиҷумҳури Молдова Владимир Воронин иҷозат надодаанд, вориди қаламрави ин вилоят шавад. Воронин мехост ба зодгоҳаш – рустои Корёва равад, вале ба гуфтаи хабаргузориҳо, нирӯҳои марзбонии Трансднестр монеъи сафари ӯ шудаанд. Трансднестр дар авоили солҳои 90 худро аз Молдова мустақил эълон кард. Русия то кунун ҳудуди 1000 сарбозашро дар ин вилоят нигоҳ медорад.
