Рузи панҷшанбе як ҳавопаймои ҳомили кумакҳои тиббӣ дар Душанбе фуруд омад. Кумакҳои тиббӣ аслан аз дору иборат аст ва арзиши он бештар аз 3 милёну 294 ҳазор долларро ташкил медиҳад. Ин кумакҳо ба сарпарастии сомони Ҳоуп ё Умед ба Тоҷикистон интиқол ёфтааст. Субҳи рузи ҷумъа ба маълағи беш аз 1 милёну 190 ҳазор доллар аз ин кумакҳо таи маросиме ба таври ройгон дар ихтиёри шифохонаи шаҳрии бемориҳои гузарандаи пойтахт гузошта шуд. Дар ин маросим хонум Ниша Квост-муовини сафири Амрико дар Тоҷикистон ва Азамҷон Мирзоев-муовини вазири беҳдошти Тоҷикистон ҳузур доштанд. Ин доруҳо барои муъолиҷаи бемориҳои гузаранда, ки дар фасли кунунӣ афзоиш меёбад, ба таври ройгон ба беморон дода мешавад.