Normal 0
Бенито Ферреро-Волднер, куммиссари равобити берунаи ИА гуфт, анҷумани кӯмакрасонҳои Гурҷистон дар Бруксел барои эъмори баъдиҷангии он кишвар ваъдаи 4,5 миллиард доллар кӯмак кардааст.
Тақрибан 2 миллиард доллар аз ин маблағ кӯмакҳои билоиваз буда, бақияашро Тифлис дар шакли қарзҳои боимтиёз ва бо фоизи паст дарёфт хоҳад кард.
Раиси кумиссиюни Аврупо Жозе Мануил Баррозо дар Бруксел гуфт, кӯмак ба Гурҷистон нафақат қарзи ахлоқист, балки ба манфиати ИА низ ҳаст, чунки Гурҷистон дар як масири калидии транзити нафту газ қарор дорад.
