Ҳавопаймоҳои ҷангии Покистон ба як мавзеъи ситезаҷӯён дар водии Свот зарба зада, 60 мусаллаҳи тарафдори Толибонро куштанд ва як таълимгоҳи низомии онҳоро тахриб карданд. Мақомоти ҳарбии Покистон мегӯянд, таълимгоҳ ва мавзеъ дар минтақаи баландкӯҳ воқеъ буда, ба иттилоъи манобеъи маҳаллии онҳо ҳалокати 60 нафар тасдиқ шудааст, вале мумкин аст ин шумора бо рӯшан шудани авзоъ афзоиш ёбад.
