Пайвандҳои дастрасӣ

Додгоҳ подшоҳи пешини Русияро сафед кард


Normal 0

Раёсати додгоҳи Олии Русия рӯзи чоршанбе куштори подшоҳи собиқи ин кишвар Николайи 2 ва аҳли хонаводаи ӯ дар соли 1918-ро ғайриқонунӣ ҳукм кард. Ин ҳукми рамзии додгоҳ аҳли хонаводаи подшоҳи собиқро аз нигоҳи қонун ҳамчун қурбонӣ эътироф карда, роҳро барои сафед кардани онҳо боз мекунад. Сухангӯи додгоҳ Павел Одинтсов гуфт:

“Раёсати Додгоҳи Олӣ, баландтарин мақоми додгоҳии Русия, қарор кард, ки императори собиқи Русия Николай Александрович Романов ва аъзои хонаводаи ӯ репрессия шудаанд ва ҳаққи сафед шудан доранд. Аз он замон қариб 100 сол гузаштааст ва касе тавони баҳои таърихӣ ё ҳуқуқӣ додан ба он ҳодисаро надорад. Ва Додгоҳи олӣ имрӯз бо судури ин ҳукми ҷасурона чунин баҳогузориро кард.”

Николайи 2 ҳамроҳ бо зан ва 4 фарзандаш соли 1918 бидуни кадом муҳокима дар шаҳри Екатеринбург аз сӯи маъмурони амниятии давлати коммунистии Русия эъдом шуданд.

Додгоҳи Олии Русия соле пеш ҳукм карда буд, ки Николайи 2 ва аҳли хонаводааш аз нигоҳи қонун ҳаққи сафед шудан надоранд, чунки расман ба ягон ҷиноят муттаҳам нашудаанд.


Видеоҳои охирин

Ба мо нависед

Хабару акс ва видеоҳои худро аз тариқи IMO, Вайбер ва Вотсапп ба ин шумораи мо фиристед: +420 724 053 959

XS
SM
MD
LG