Президенти Венесуэла Ҳуго Чавез мегӯяд, ки Русия дар рушди нерӯи ҳаставӣ ба Венесуэла кумак мерасонад. Чавез иброз дошт, ки ӯ пешниҳоди сарвазири Русия Владимир Путин дар мавриди кумаки Русия дар бунёди реактори ҳаставиро қабул кардааст. Ҳафтаи гузашта аснои мулоқот дар шаҳри Ново-Огарево Путин ба Чавез чунин пешниҳод карда буд. Дар ҷараёни боздиди Чавез аз Русия киштиҳои ҷангии Русия барои тамрини низомӣ бо Венесуэла озими ҳавзаи баҳри Кариб шуданд.