Пайвандҳои дастрасӣ

Нокомии Акбар Раҳмон дар чаҳорякфинал


Варзишгари ҷавони тоҷик Акбар Раҳмон дар мусобиқаи байналмилалии теннис байни наврасон, ки дар шаҳри Чимкенти Қазоқистон баргузор шуд, дар сабқати интихобӣ бар ҳарифони худ – теннисбозони қирғизу қазоқ ғалаба карда, ба даври баъдӣ роҳ ёфт.

Вале Акбар дар чаҳорякфинал аз ғолиби ин мусобиқот Христос Кейсиди, теннисбози Узбакистон, бо ҳисоби 1:6 ва 1:6 мағлуб шуд.

Кейсиди дар бозии ниҳоӣ бар теннисбози қазоқ Ойдин Рахишев бо ҳисоби 7:6 ва 7:1 пирӯз гардид.

Воқеъан теннисбозони тоҷик мавқеъи худро дар рейтинг ё феҳристи ҷаҳонӣ нисбат ба соли гузашта 11 зина боло карданд ва дастаи мунтахаби Тоҷикистон дар айни ҳол дар ҷои 95-ум қарор дорад. Бояд тазаккур дод, ки дастаи Тоҷикистон барои аввалин бор байни 100 дастаи беҳтарини ҷаҳон ҷойгир шудааст. Тоҷикистон байни кишварҳои Осиёи Марказӣ аз Туркманистону Қирғизистон пеш аст.

XS
SM
MD
LG