Ҷорҷ Буш, раисиҷумҳури Иёлоти Муттаҳида чанд лаҳза пеш дар бораи коҳиши теъдоди нерӯҳои кишвар дар Ироқ ва интиқоли низомиёни иловагӣ ба Афғонистон изҳорот пахш кард. Зимни суханронӣ дар Вошингтон ӯ гуфт, ки вазъи амниятӣ дар Ироқ беҳбуд ёфтааст ва аз ин рӯ моҳи феврал тақрибан 8 ҳазор низомиёни амрикоӣ аз ин кишвар хориҷ мешаванд. Ҳамзамон теъдоди нерӯҳои кишвар дар Афғонистон боз 4 ҳазору 500 нафар афзоиш хоҳад ёфт.
Айни ҳол дар Ироқ 146 ҳазор ва дар Афғонистон 33 ҳазор низомиёни амрикоӣ мустақаранд.