Низомиёни Покистон хабар доданд, ки дар як амалиёти нерӯҳои ҳукуматӣ дар шимолу ғарби кишвар беш аз 20 тан аз ошубгарон ба ҳалокат расиданд. Задухурдҳо миёни артиши Покистон ва толибон дар манотиқи ҳаммарз бо Афғонистон чандин моҳ боз идома меёбанд. Ҳамчунин хабар дода мешавад, ки дирӯз бар асари таркиш дар шимолу ғарби Покистон 8 нафар кушта шуданд. Як мошини полис бо маҳбусон дар ҳоле инфиҷор шуд, ки аз болои пул убур мекард.
