Пайвандҳои дастрасӣ

logo-print

Ҳалокати беш аз 50 тан дар набардҳо дар Афғонистон


Дирӯз бар асари ҳамлаҳои террористӣ ва задухурдҳо дар Афғонистон беш аз 50 нафар ба ҳалокат расиданд. Дар вилояти Қундуз, воқеъ дар шимоли кишвар, бар асари таркиши мошин аз майн як низомии олмонӣ кушта шуда, се ҳамсафари дигараш ҷароҳат бардоштанд. Дар вилояти Ғазнӣ ҳамин гуна таркиши майн мунҷар ба ҳалокати чаҳор корманди полис гардид.

Ба иттилоъи мақомоти вилояти Ҳилманд, воқеъ дар ҷануби Афғонистон, дар як ҳамлаи ҳавопаймои низомии нерӯҳои байнулмилалӣ беш аз 30 тан аз толибон ба ҳалокат расиданд. Боз дасти кам 18 нафари дигари онҳо дар задухурд бо нерӯҳои ҳукуматӣ кушта шуданд. Дар бораи талафот миёни низомиёни афғон ва нерӯҳои байнулмилалӣ дар ин задухурдҳо иттилоъе зери даст нест.

XS
SM
MD
LG