Татяна Локшина, намояндаи Созмони дидбони ҳуқуқи башар Human Rights Watch дар сӯҳбат бо Радиои Озодӣ гуфт, гурӯҳи ҳомиёни ҳуқуқи башар далелҳои ба оташ кашидани манзил ва ғорати амвол дар деҳаҳои гурҷинишини Осетияи ҷанубиро ошкор кардаанд. Баъд аз шурӯъи даргириҳо дар ин деҳаҳо фақат мӯйсафедон боқӣ мондаанд, ки вазъашон басо сангин аст. Онҳо аз камбуди маводи озуқа ва оби пок азият мекашанд, то ҳол касе ба кумаки онҳо нарасидааст. Ҳомиёни ҳуқуқи башар ин вазъро “комилан дур аз таҳаммул” номидаанд.
