Пайвандҳои дастрасӣ

Хабари нав

Эронро боз танбеҳ медиҳанд?


Шаш қудрати ҷаҳонӣ аз ҷумла Амрико ва Русия мувофиқат кардаанд, то дар Созмони Милал таҳримоти нави байналмилалӣ ба зидди Эрон баррасӣ шавад. Пеш аз ин Эрон ба талаби ин қудратҳо ҷиҳати боздоштани фаъолиятҳои ғанисозии ураниум дар ивази бастаи имтиёзҳои иқтисодиву сиёсӣ посухи мусбат надодааст. Ба гуфтаи сухангӯи вазорати умури хориҷаи Амрико Гонзало Галлегос, намояндагони ин шаш кишвар рӯзи 6 август дар бораи барномаҳои атомии Эрон сӯҳбати телефонии якҷоя доштанд ва ба тарҳрезии қатъномаи наве ба зидди Эрон оғоз мекунанд. Як мақоми расмии Амрико мегӯяд, зоҳиран Эрон кашолкорӣ мекунад ва аз ин сабаб илоҷи дигаре ба ғайр аз иқдомоти нави танбеҳӣ ба зидди он кишвар вуҷуд надорад.

XS
SM
MD
LG