Чин се боғ ё парки Пекинро барои баргузории тазоҳурот дар ҷараёни бозиҳои олимпӣ ихтисос додааст. Ин бозиҳо моҳи оянда шуруъ мешаванд. Лию Шаову-раиси амнияти бозиҳои олимпӣ дар Пекин гуфт, барои баргузории тазоҳуроти эътирозӣ бояд тазоҳуркунандагон пешакӣ иҷоза бигиранд ва яке аз ин боғҳоро интихоб кунанд. Аммо вай аз додани тавзеҳот дар бораи ҷо доштан ё надоштани маҳдудиятҳо дар чунин тазоҳурот чизе нагуфт.
