Барак Обама, номзад ба мақоми раёсатҷумҳурии Амрико аз Ҳизби демократ имрӯз дар Афғонистон бо Ҳомиди Карзай, раисҷумҳурии ин кишвар дидору гуфтугӯ кардааст. Оқои Обама чанд моҳ пеш аз ҳукумати Ҳомиди Карзай интиқод карда ва гуфта буд, ки мақомоти Кобул барои бозсозии Афғонистон талоши кофӣ ба харҷ намедиҳанд. Вай рӯзи шанбе бо фармондеҳони артиши амрикоӣ дар пойгоҳи Багром дар бораи вазъияти Афғонистон ва даргириҳои марзӣ дар наздикии марзи Покистон гуфтугӯ кард. Дар ин сафари якҳафтаина ба Афғонистон, Ховари Миёна ва кишварҳои аврупоӣ Борак Обамаро ду сенатор дигари амрикоӣ ҳамроҳӣ мекунанд.
