Пайвандҳои дастрасӣ

Олмон ба финали EURO-2008 роҳ ёфт


Ин голи Филипп Лаҳм дар дақиқаи охирини бозӣ ба Олмон пирӯзӣ овард

Ин голи Филипп Лаҳм дар дақиқаи охирини бозӣ ба Олмон пирӯзӣ овард

Баъди пирӯзии душвор бар дастаи Туркия тими миллии футболи Олмон ба бозии ниҳоии мусобиқоти қаҳрамонии Аврупо-2008 роҳ ёфт.

Дастаи Олмон дар бозии аввали ниманиҳоӣ 25-уми июн дар варзишгоҳи Санкт-Якоб Парк (Базел, Швейтсария) дастаи мунтахаби Туркияро бо ҳисоби 3:2 мағлуб кард.
Ҳисобро Угур Борал, аз тими Туркия, дар дақиқаи 21-ум боз кард. Вале баъди 5 дақиқа бозигари дастаи Олмон Бастиан Швайнштайгер ҳисобро баробар намуд. Мирослав Клозе дар дақиқаи 78-ум Олмонро ба пеш баровард. Вале дар дақиқаи 86-ум пас аз зарбаи Семих Шентурк ҳисоб боз мусовӣ шуд. Филипп Лаҳм дар дақиқаи 90-ум голи севуми Олмонро ба самар расонда, ба дастааш пирӯзӣ овард.
Бад-ин тартиб, дастаи Олмон – қаҳрамони секаратаи Аврупо – ба бозии ниҳоии мусобиқот роҳхат гирифт. Бозии ниҳоӣ якшанбеи 29-уми июн дар варзишгоҳи Эрнст-Ҳаппели шаҳри Вена, пойтахти Австрия, доир мегардад. Рақиби дастаи Олмон дар бозии дувуми ниманиҳоӣ байни тимҳои Русия ва Испания, ки 26-уми июн баргузор мешавад, муайян хоҳад шуд.

Машваратдодашуда

XS
SM
MD
LG