Юрий Лужков-шаҳрдори Маскав гуфтааст, Эмомалӣ Раҳмон-раиси ҷумҳури Тоҷикистон дар мулоқоти Душанбе аз вай хостааст, ки ба шумораи бештари муҳоҷирони кории тоҷик барои кор дар Маскав иҷоза диҳад. Лужков дар ҷараёни боздид аз Душанбе ваъда додааст, ки "ин масъаларо ҳал мекунад". Руссия барои муҳоҷирони кории тоҷик 600 ҳазор нафар квота ё ҳадди нисоб таъйин кардааст. Пулҳои муҳоҷирон мизони аслии даромади Тоҷикистонро ташкил медиҳад.
