Пайвандҳои дастрасӣ

Хабари нав

Посухи давлат ба Додоҷони Атовулло


Сайти расмии давлати Тоҷикистон Ховар як матлаби танқидиеро дар робита ба фаъолият ва шахсияти Додоҷони Атовулло –сардабири нашрияи «Чароғи руз» ва раиси созмони ғайрирасмии «Ватандор», ки дар хориҷ аз кишвар кору фаъолият мекунад ба чоп расонидааст. Ин навишта дар посух ба хабари дарҷшуда дар сайти Сентаразия.ру аст,ки мегуфт оқои Атовулло имрӯз бо ташкили нишасти хабарӣ дар шаҳри Маскав вазъи феълӣ дар кишварро ба хабарнигорон тавзеҳ хоҳад дод. Муаллифони матлаби мунташира дар Ховар огаҳии оқои Атовулло аз вазъи кунунии кишварро ба ин далел,ки вай тайи солҳои ахир берун аз қаламрави Тоҷикистон ба сар мебарад, зери шубҳа гузошта ӯро бар нодида гирифтани пешрафтҳои замони истиқлолият таҳти раҳбарии президент Раҳмон мавриди интиқод қарор додаанд.Аммо Додоҷони Атовулло ,ки хабари баргузории нишасти матбуотии ӯро дар Маскав дар таърихи 24 июн бар изофаи сайти Сентазия.ру нашрияи «Комсомолская правда»-и чопи Маскав ва сайти Фергана.ру низ мунташир кардааст дар як тамоси телефонӣ бо Озодӣ гуфт, авзоъ дар Тоҷикистонро хуб медонад ва ҳадафи баргузории нишасти матбуотиаш дар шаҳри Маскав ҷалби таваҷҷӯҳи ҷомеаи ҷаҳонӣ ба ҳолати бӯҳронии ватанаш ва ҳамзамон ба унвони раиси як созмони иҷтимоии сиёсӣ дархости истеъфои ҳукумати Тоҷикистон аст.

XS
SM
MD
LG