Раҳбарони кишварҳои асосии содиркунандаи нафт ва бузургтарин муштариёни фуровардаҳои нафтӣ имрӯз дар пойтахти Саудия роҳҳои назорат бар нархи афзояндаи нафтро баррасӣ карданд. Сарвазири Бритониё, Гордон Браун ва вазири энержии Иёлоти Муттаҳида, Семуил Бодман дар ин ҷаласа ширкат доштанд. Рӯзи ҷумъа нархи як бушка нафт ба 140 доллар наздик шуд ва мақомоти Саудия иқрор мекунанд, ки чунин афзоиш иқтисоди ҷаҳонро бесубот мегардонад.
