Нерӯҳои ҳукуматии Ироқ дар ҳамдастӣ бо низомиёни амрикоӣ дар шаҳри Амора, воқеъ дар ҷануби кишвар, як амалиёти густарда алайҳи мусаллаҳони шиамазҳабро шурӯъ карданд. Нимашаби гузашта мӯҳлати зарбулаҷали Нурӣ-Ал-Моликӣ, сарвазири Ироқ ба ошубгарони шиамазҳаб поён ёфт. Ал-Моликӣ талаб карда буд, ки онҳо тайи 4 рӯз силоҳи худро ба замин гузоранд. Ба иттилоъи хабаргузориҳо, чанд соат қабл аз хатми мӯҳлати зарбулаҷал даҳҳо афроди мусаллаҳ силоҳи худро ба низомиёни ҳукуматӣ таслим карданд.
