Вазорати дифои Афғонистон гуфт, ки дирӯз дар ҷараёни як амалиёти густардае дар наздикиҳои шаҳри ҷанубии Қандаҳор 2 сарбози артиши ин кишвар ва 35 ҷангӣ ба ҳалокат расиданд. Нирӯҳои афғонӣ бо пуштибонии сарбозони канадаии НАТО вориди амалиёте дар водии Арғандоб шуданд. Ин амалиёт чанд рӯз баъди он шурӯъ мешавад, ки аз як зиндони Қандаҳор ахиран садҳо ҷангиён фирор кардаанд.
