Исроил бо миёнаравии Миср созишеро бо гурӯҳи ситезаҷӯи Ҳамос ба имзо расонд, ки қарор аст, аз рӯзи панҷшанбе давраи шашмоҳаи оташбаси мутақобиларо оғоз ниҳад. Сарони Ҳамос низ гуфтаанд, аз ин тавофуқ қаноат доранд. Дар гузашта Исроил имкони ҳама гуна тамос бо ин гурӯҳро рад мекард ва Ҳамос мегуфт, давлати Исроилро эътироф намекунад. Ҳукумати Исроил ҳамчунин ба Лубнон паём додааст, ки ба гуфтушуниди мустақим ва имзои қарордоди сулҳ омодааст.
