Пайвандҳои дастрасӣ

logo-print

Консул бо ноиби волии Петербург вохурдааст



Мирзои Салимпур



Сафорати Тоҷикистон ба манзури кумак ба аҳли хонаводаи Хуршеда Султонова ва назорати ҷараёни тафтиши парвандаи қатли ваҳшиёнаи ин кудаки нуҳсолаи тоҷик консули Душанбе дар Маскав Ҷурахон Қурбоновро ба Санкт-Петербург эъзом кардааст.

Дируз Ҷурахон Қурбонов пиромуни рафти тафтишоти ин парванда бо ноиби волии Санкт-Петербург Андрей Черненко як дидор ва гуфтугу анҷом дод.

Андрей Черненко дар ин мулоқот гуфтааст, барои ҳукумат ва мардуми ин шаҳр ҳам таъқибу муҷозоти чунин бадкорон фавқулодда муҳим аст.

Ожонсии ИТАР-ТАСС мегуяд, тафтишот ҳануз касеро дар робита ба ин парванда боздошт накардааст, вале интизор меравад тайи чанд рузи наздик аввалин натоиҷи кори муфаттишон маълум шавад.

Раисиҷумҳури Тоҷикистон Эмомалӣ Раҳмонов низ гуфтааст, ҷараёни тафтиши ин парвандаро пайваста зери назорат хоҳад дошт.

XS
SM
MD
LG