Пайвандҳои дастрасӣ

logo-print

Тоҷикистон 12 ҷинояткорро ба Русия супурд



Муҳаммадраҳими Сайдар



Русия ва Тоҷикистон дар самти мубориза бо терроризм ва ҷинояткорӣ тайи як соли ахир дар хоки ҳамдигар ҳудудан сесад ҷинояткорро дастгир карда ва ба ҳамдигар таслим додаанд.

Ин оморро намояндаи вазорати умури дохилаи Тоҷикистон дар Русия, генерал Рамазон Раҳимов, ширкаткунандаи конфронси байналмиллалии "Ҷомеаи байналмиллалӣ мухолифи ҷаҳонишавии ҷинояткорӣ ва даҳшатафканӣ" дар суҳбат бо хабарнигори Радиои Озодӣ дар шаҳри Маскав эълом кард.

Ба гуфтаи вай, дар Тоҷикистон 12 шаҳрванди Русия ва дар ин кишвар беш аз 200 атбои Тоҷикистон боздошт ва ба якдигар таҳвил шудааст, ки 26 нафари онҳо ба мутааллиқ ба гуруҳҳои террористӣ дониста мешаванд.

Дар он конфронси байналмиллалӣ Борис Милников - раиси Маркази зиддитеррористии Иттиҳоди кишварҳои муштаракулманофеъ, тайи суханронӣ хостори муқовимати дастаҷамъӣ бо терроризм ва ҷилавгирӣ аз ҷиноёти марбут ба даҳшатафканӣ дар сатҳи байналмиллал шуд.

XS
SM
MD
LG